Իսպանական մրցաշարերի անցկացման կոմիտեն չի կարողացել «Ռեալի» և «Բարսայի» հետ համաձայնեցնել Կլասիկոյի անցկացման նոր օրը։ Ակումբները պետք է համաձայնության գային մինչև հոկտեմբերի 21-ը։ Ավելի վաղ հայտնի էր դարձել, որ երկու ակումբներն էլ ցանկանում են խաղն անցկացնել դեկտեմբերի 18-ին, սակայն այդ որոշմանը դեմ է հանդես եկել Լա Լիգան, ով նամակ է հղել Իսպանիայի թագավորական ֆեդերացիային՝ խնդրելով խաղը տեղափոխել դեկտեմբերի 4-ին։ Ակումբները պետք է իրենց պատասխանը տան երեքշաբթի Երևանի ժամանակով մինչև 22։00-ն։ Խաղը հետաձգվել է Կատալոնիայում տեղի ունեցող բողոքի ցույցերի պատճառով, որոնք սկսվել են այն բանից հետո, երբ Իսպանիայի Բարձրագույն դատարանը վճիռ կայացրեց կատալոնացի 9 քաղաքական գործիչների դեմ՝ կապված 2017 թվականին տեղի ունեցած անկարգությունների և հանրաքվեի անցկացման հետ։ Աղբյուր՝ https://interfootball.am/%d5%af%d5%ac%d5%a1%d5%bd%d5%ab%d5%af%d5%b8%d5%b5%d5%ab-%d5%a1%d5%b6%d6%81%d5%af%d5%a1%d6%81%d5%b4%d5%a1%d5%b6-%d6%85%d6%80%d5%a8-%d5%b4%d5%b6%d5%b8%d6%82%d5%b4-%d5%a7-%d5%a1%d5%b6%d5%b0%d5%a1%d5%b5/?preview=true&_thumbnail_id=9035