Հայտնի դիմահարդար Գոհար Ավետիսյանն ամբողջ կյանքում պայքարում է ավելորդ կիլոգրամների դեմ։ 26-ամյա Գոհարը խոստովանել է, որ իրեն հաջողվել է ազատվել 43 կիլոգրամից, սակայն մինչ այժմ իրեն քննադատում են գիրության համար։ Ռուսաստանաբնակ հայտնի դիմահարդարն իր միկրոբլոգում պատմում է աշխատանքի, առօրյայի, հանգստի, մարդկանց կերպարանափոխելու եւ իր նիհարելու մասին։
Իր Instagram-ում Գոհարը նոր լուսանկար է հրապարակել, որում ներկայացել է մարմինն ընդգրկած, մանուշակագույն երանգի, խորը դեկոլտեով կարճ զգեստով, մուգ գույնի զուգագուլպաներ։ Կերպարն ամբողջացրել են մեծ ականջօղերը։ Գոհարը վառ շպարով է, վարսերը կոկիկ հարդարված են։
Ավելի վաղ Գոհարը ցույց էր տվել իր ջանքերի արդյունքները։ Ավետիսյանը երկու լուսանկար էր հրապարակել։ Առաջինում նա պատկերված էր նախքան նիհարելը, երկրորդում երեւում է, թե ինչ տեսք ունի նա այժմ։ «Տեսեք՝ ինչ եմ գտել։ Փոփոխությունները տեսանելի՞ են։ Մինուս 43 կիլոգրամ»,- գրել էր վիզաժիստը։
Աղբյուր՝ https://style.news.am/arm/news/64760/43-kilogramov-niharats-gohar-avetisyany-marminn-yndgrkox-kartch-zgestov.html
