Կրեմլում Ժողովրդական միասնության օրվա առթիվ կայացել է պետական մրցանակների հանձնման հանդիսավոր արարողությունը, որի ժամանակ հյուրերին ընդունել են Առնո Բաբաջանյանի «Երկրագնդի լավագույն քաղաքը» ստեղծագործության հնչյունների ներքո: Ինչպես հայտնում է Rusarminfo-ն, հանդիսության մեկնարկին ընդառաջ ՌԴ նախագահ Վլադիմիր Պուտինը, Մոսկվայի և համայն Ռուսիո պատրիարք Կիրիլը, Ռուսաստանի և Նոր Նախիջանյան Հայոց թեմի առաջնորդ Եզրաս արքեպիսկոպոսը և այլ հավատքների ներկայացուցիչները ծաղիկներ են դրել Կարմիր հրապարակում գտնվող «Մինին և Պոժարսկի» հուշարձանին: Ռուսաստանում Ժողովրդական միասնության օրը նշվում է նոյեմբերի 4-ին: Այսօր տոնի առթիվ հյուրերին դիմավորել են Առնո Բաբաջանյանի ստեղծագործության ներքո՝ Սերգեյ Վոլչկովի կատարմամբ: Աղբյուր՝ https://www.tert.am/am/news/2019/11/04/kremlin/3133339